Dk. Samia asema daraja JP Magufuli litafungua fursa usafirishaji kikanda

NA MWANDISHI WETU, MWANZA

RAIS wa Jamhuri ya Muungano wa Tanzania, Dk. Samia Suluhu Hassan, amezindua daraja la JP Magufuli maarufu kama Kigongo - Busisi, mkoani Mwanza.

Akizungumza katika hafla hiyo Juni 19, 2025 Rais Samia, alisema daraja hilo linafungua historia mpya katika sekta ya usafiri na usafirishaji kati ya Kigongo na Busisi.

Akizungumza na wananchi, alisema aliendeleza ujenzi wa mradi huo uliosisiwa na Rais John Pombe Magufuli kutokana na ahadi yake kwa Watanzania ni kuyaendeleza mambo yote yaliyoachwa na viongozi wa awamu zilizopita na pia kutekeleza mengine mapya.

“Leo tunaandika historia mpya kuhakikisha hadithi za kusikitisha zinaondoka juu ya usafisi na usafirishaji”, alisema.

Alisema alipokea mradi huo ukiwa umefikia asilimia 25 kwa gharama ya shilingi bilioni 152 ambazo zililipwa kwa wakandarasi, lakini serikali yake imefanikiwa kuendeleza ujenzi wa daraja hilo lenye umuhimu mkubwa kwa mikoa ya Kanda ya Ziwa.

Alifafanua kuwa daraja hilo limejengwa kwa lengo la kuunganisha barabara za Usagara na Sengerema katika Ziwa Victoria, ambayo ni mihimu katika ushoroba wa kiuchumi katika kanda hiyo.

Alisema sasa wananchi watatumia takribani dakika nne kuvuka kufika Busisi kwa kutumia gari na wanaotembea kwa miguu watatumia muda mfupi.


Alisema ujenzi wa daraja hilo uliogharimu shilingi bilioni 718 umetekelezwa kwa fedha za ndani zinazotokana na kodi, akiongeza kuwa litakuwa alama na uthibitisho kwamba serikali imepiga hatua ya kuifanya Tanzania kuwa taifa kubwa kiuchumi na ishara ya kupanga, kutekeleza na kufanikisha mipango mikubwa.

Aidha, alisema asilimia 92 ya wafanyakazi katika mradi huo walikuwa Watanzania  huku akiongeza kwamba daraja hilo linatokana na wazo la Watanzania wenyewe.

Alisema daraja hilo ni la kimkakati na kuviagiza vyombo vya ulinzi na usalama kujipanga kulilinda.

Awali Waziri Mkuu, Kassim Majaliwa, alimpongeza Rais Samia, akisema ana mapenzi mema na Watanzania, akisema miradi yote waliyoianzisha pamoja na Rais hayati, Dk. Magufuli, imetekelezwa kwa kiwango kikubwa.

Naye Waziri wa Ujenzi, Abdallah Ulega, alimshukuru Rais Samia kwa maelekezo yake kuhakikisha ujenzi wa daraja hilo unakamilika na kuongeza kuwa katika kipindi cha miaka minne amewalipa wakandarasi zaidi ya shilingi bilioni 450 kwa ajili ya kukamilisha ujenzi huo.

Alisema yale yote aliyowaahidi Watanzania wakati akilihutubia bunge kwa mara ya kwanza mwaka 2021, ameyatekeleza kwa mafanikio, akisema daraja hilo ni kielelezo kwa Tanzania cha kufanya maamuzi kwa maendeleo yake akiongeza kuwa kanda ya Ziwa imewekewa msisitizo mkubwa kiuchumi ambao utazalisha fursa nyingi za ajira.


Daraja hilo ni la sita kwa urefu Afrika, limejengwa kwa gharama ya zaidi ya shilingi bilioni 718, ambapo ujenzi wake umefanywa na kampuni ya China Civil Engineering Construction Corporation (CCECC) na China Railway 15 Bureau Group Corporation.

Kwa mujibu wa taarifa, daraja hilo lenye urefu wa kilomita tatu, upana wa mita 28.45 za barabara za kuunganisha zenye urefu wa kilomita 1.66 lilianza kujengwa Februari 2020, pia lina njia mbili za gari zenye upata wa mita saba kila upande na njia za watembea kwa miguu kila upande zenye upana wa mita 2.5 na maegesho ya dharura yenye upana wa mita 2.5 kila upande likipita juu ya maji ya Ziwa Victoria kuunganisha eneo la Kigongo liliopo wilaya ya Misungwi na Busisi wilaya ya Sengerema.

 

Comments

Post a Comment

Popular posts from this blog

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more