NBC yaahidi makubwa ligi kuu Tanzania bara

NA MWANDISHI WETU

MDHAMINI Mkuu wa ligi ya NBC, Benki ya Taifa ya Biashara (NBC) jana ilikabidhi kombe la ubingwa wa Ligi Kuu ya soka ya NBC (NBCPL) kwa timu ya Yanga SC ya jijini Dar es Salaam iliyoibuka bingwa wa kombe hilo msimu wa mwaka 2024/2025.


MAKAMU wa Kwanza wa Rais Shirikisho la Soka Tanzania (TFF), Athuman Nyamlani (kulia) na Mkurugenzi Mtendaji wa NBC, Theobald Sabi (kushoto) wakikabidhi kikombe cha ubingwa wa Ligi KuuTanzania Bara (NBCPL) kwa nahodha Yanga SC, Bakari Mwamnyeto.

Hafla ya kukabidhi ubingwa huo ilifanyika katika uwanja wa Benjamin Mkapa, jijini Dare es Salaam baada ya mchezo wa mwisho wa ligi hiyo baina ya mabingwa hao na Simba SC ya jijini uliomalizika kwa yanga kuibuka na ushindi wa magoli 2 - 0.

Hafla hiyo iliongozwa na Makamu wa Kwanza wa Rais Shirikisho la Mpira wa Miguu nchini (TFF), Athuman Nyamlani na Mkurugenzi Mtendaji wa NBC, Theobald Sabi, ambao kwa pamoja walikabidhi kombe hilo.

Akizungumza baada ya tukio hilo, Sabi pamoja na kuwapongeza mabingwa hao na timu nyngine zilivyoshiriki ligi hiyo, alieleza kutiwa zaidi na kasi ya maendeleo a mchezo wa soka nchini hususani ushindani mkubwa unaoshuhudiwa kila msimu.

“Tangu tuanze kudhamini, tumeshuhudia ushindani mkubwa na wa kuvutia kati ya vilabu vyote vinavyoshiriki. Ushindani huu siyo tu umepandisha kiwango cha mchezo, bali pia umetufanya tushuhudie matukio ya kusisimua na burudani ya hali ya juu”, alieleza Sabi.

Aliongeza kuwa hali hiyo inadhihirisha kwamba kila timu inajitahidi kuonesha uwezo wake wa hali ya juu, na hili ni jambo la kufurahisha sana kwetu kama wadhamini.

“Tunapofunga mwaka huu wa mashindano, tunatambua kwamba ushindani ni sehemu muhimu ya maendeleo ya michezo na tunajivunia kuwa sehemu ya safari hii. Napenda kuwahakikishia wapenzi wa mchezo huu kuwa Benki ya NBC itaendelea kuboresha udhamini wa Ligi Kuu ya NBC msimu ujao”, alisema Sabi.

Sabi alitaja jitihada zinazohitaji kipaumbele kuwa ni pamoja na uwezeshaji kwenye michakato ya mafunzo na maendeleo ya wachezaji hususani kwenye programu za vijana, huduma bora za bima husasani ya afya kwa wachezaji na huduma za kibenki mahususi kwa wanamichezo.

Comments

Post a Comment

Popular posts from this blog

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more