Viwango bora nyenzo muhimu kukuza masoko kimataifa - Dk. Mwinyi

NA MWANDISHI WETU

RAIS wa Zanzibar na mwenyekiti wa Baraza la Mapinduzi, Dk. Hussein Ali Mwinyi, ameeleza kuwa usimamizi bora wa viwango vya bidhaa ni nyenzo muhimu kwenye biashara na kukuza masoko kimataifa.

Dk. Mwinyi alieleza hayo jana katika hotuba iliyosomwa kwa niaba yake na Makamu wa Pili wa Rais wa Zanzibar, Hemed Suleiman Abdulla (pichani), alipokuwa akifungua mkutano wa 31 wa Shirika la Viwango Afrika (ARSO), uliofanyika hoteli ya Golden Tulip, Uwanja wa ndege , Zanzibar.

Alieleza kuwa serikali za Tanzania zinaelewa jukumu kuu la viwango katika kuwezesha matumizi ya viwango katika biashara kati ya nchi za Afrika, kukuza usalama wa watumiaji na kuimarisha ushindani wa viwanda.

Aliongeza kuwa kuna umuhimu wa kuendelezwa kwa mikusanyiko na majukwaa kama mkutano huo kwa lengo la kubadilishana uzoefu juu ya kusimamia miongozo ya viwango Afrika na kuipongeza ARSO kwa kuendelea kujitolea kuendeleza ubora na kuunganisha miundombinu kila pahala Afrika.






Makamu wa Pili wa Rais wa Zanzibar, Hemed Suleiman Abdulla na Waziri wa Biashara na maendeleo ya viwanda, Omar Said Shaaban, wakiziindua kitabu cha muongozo wa kuhamasisha viwango vya uwekezaji na biashara Afrika.

Aliongeza kuwa mtazamo huo unalingana na uzoefu wa kimataifa hasa kanuni ya ‘Hati ya ‘Kiwango Kimoja- Kipimo Kimoja – Inayokubaliwa Kila pahala’ hivyo aliiomba ARSO kuendelea kufanya kazi pamoja kwa kuunganisha mifumo ya uthibiti ya Afrika kwa ufanisi na  kusaida ushindani wa bara l la Afrika.

“Umuhimu pia utolewe kurahisisha mifumo ya udhibiti ya Afrika juu ya kuwa na viwango, vyeti na kanuni sawa chini ya taasisi kama Shirika la Viwango Tanzania (TBS) na Taasisi ya Viwango Zanzibar (ZBS), Umoja wa Taasisi za Viwango Afrika (ARSO) na Miundombinu ya Ubora wa Pan-Afrika (PAQI)”, alieleza Dk. Mwinyi.

BAADHI ya washiriki wa mkutano wa 31 wa ARSO wakipokea nyimbo za taifa

Alisema katika kuhakikisha hayo, Serikali ya Mapinduzi ya Zanzibar itaendelea kuimarisha ZBS ili itekeleze majukumu kwa ufanisi ili kustawishaji wa biashara, kuongeza ushindani na upatikanaji wa masoko kwa bidhaa zinazozalishwa nchini.

Kwa upande wake, Waziri wa Biashara na Maendeleo ya Viwanda Zanzibar, Omar Said Shaaban, alieleza kuwa suala la viwango vya ubora sio la hiari ni suala bali ni la lazima hasa katika maendeleo ya biashara na ukuaji wa uchumi kupitia uzalishaji wa bidhaa na huduma za Afrika.

Alisema hali hiyo inatokana na kuongezeka kwa uwezo wa ushindani kimataifa pamoja na kulinda maslahi ya watumiaji hivyo Zanzibar itaendeleza mpango wa kuwa maabara zenye vifaa vya kisasa zitakazoidhinisha viwango vya bidhaa zinazozalishwa au kuingia nchini.

Mbali ya kuimarisha maabara, pia serikali itaendelea kuwekeza kwenye rasilimali waku kwa kuwapatia ujuzi na maarifa watendaji wa taasisi za viwango, kuimarisha sera, taratibu na Jumuiya ya Biashara katika kuongeza uelewa kuhusu umuhimu wa viwango.

“ARSO inatupatia jukwaa la ushirikiano wa kiutendaji kati ya nchi za Afrika na watoa viwango bingwa wa kimataifa. Hii inalenga  mpango thabiti wa kubadilishana uzoefu, teknolojia na kufungua soko zaidi”, alieleza Waziri Shaaban na kupongeza uamuzi wa jumuiya hiyo kufanyia mkutano huo Zanzibar.

MAKAMU wa Pili wa Rais wa Zanzibar, Hemed Suleiman Abdulla, akipata maelezo toka kwa mmoja ya washiriki wa maonesho.

Awali Katibu Mtendaji wa ARSO, Dk. Hermogene Nsengimana (wa kwanza kulia), alieleza kuwa mkutano huo wa siku tano umetanguliwa na vikao vya kitaalamu pia utahusisha mafunzo kwa watendaji na wakuu wa taasisi wa za viwango kutoka nchi 33 za Afrika.

MAKAMU wa Pili wa Rais wa Zanzibar, Hemed Suleiman Abdulla (katikati), akiwa na viongozi wa kitaifa, ISO na ARSO wakipokea nyimbo za taifa.

Alifahamisjha kuwa kupitia mkutano huo viwango mbali mbali vitathibitishwa kupitia kamati za kitaalamu na kushihisha baadhi yao ili kuwa na mlingano miongoni mwa nchi wanachama hivyo kurahisisha biashara miongoni mwao.

“Kuwepo kwetu hapa kunaweka mkazo katika uimarishaji wa viwango lakini pia ushindani kwenye uzalishaji hivyo kuhimiza kuwa na mageuzi ya sera, mifumo ya kibiashara, kujenga uwezo na kuweka mifumo ya ubora ya udhibiti na kukuza utamaduni wa ubora wa viwango ambao ni muhimu katika uchumi wa soko huria”, alieleza Dk. Nsengimana.


Awali Mkurugenzi wa TBS, Dk. Ashura Kantunzi, alisema mkutano huo unatoa nafasi ya kutafakari kwa kina juu ya namna bora ya kuandaa mazingira ya biashara kwa kuzingatia uwazi, heshima na kuhakikisha usawa kwa wazalishaji wa Afrika hasa wafayabiashara ndogo ndogo na za kati.

“Taasisi zinazosimamia viwango nchini, ZBS na ZBS zina mpango wa kusaidia biashara ndogo na za kati kwa kutambua kuwa ndio injini ya uchumi wa nchi kwa kuwapa miongozo iliyorahisishwa ya viwango na mafunzo yaliyolenga kukidhi mahitaji ya ubora wa biashara chini ya AFCFTA na kuhakikisha faida ya biashara huria”, alieleza Dk. Kantunzi.

Comments

Post a Comment

Popular posts from this blog

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more