Ufaulu kidato cha sita watahiniwa wa skuli juu

NECTA yazuia matokeo ya watahiniwa 244

NA MWANDISHI WETU
KATIBU Mtendaji Baraza la Mitihani la Tanzania (NECTA), Prof. Said Mohammed (pichani), amesema ufaulu wa watahiniwa wa skuli kwa mwaka 2025 umeongezeka kwa asilimia 0.03 huku ufaulu wa watahiniwa wa kujitegemea ukishuka kwa asilimia 2.64 ukilinganishwa na mwaka jana.

Aliyasema hayo wakati akitangaza matokeo ya mitihani ya kidatu cha sita (ACSEE), ualimu daraja la tatu A (GATCE), mtihani wa ualimu daraja la A kozi maalumu (GATSCCE), mtihani wa stashahada ya ualimu wa sekondari (DSEE) iliyofanyika mwezi Mei 2025.
Alieleza kuwa hali ya ufaulu wa kijinsia ni sawa kati ya wanawake na wanaume kwa asilimia 93.34 na kubainisha kuwa walioshindwa kufanya mitihani kwa watahiniwa wa skuli ni 68 sawa na asilimia 0.05.
Aidha alifafanua kuwa watahiniwa wa skuli waliofaulu ni 125,779 sawa na asilimia 99.95 ya watahiniwa waliofanya mitihani, ukilinganisha na watahiniwa 103,252 sawa na asilimia 99.92 ya watahiniwa wa skuli kwa mwaka jana.
“Mwaka 2024, watahiniwa waliofanya mtihani walikuwa103,812 sawa na asilimia 99.39. Hivyo, watahiniwa wa shule waliofanya mtihani wa kidato cha sita 2025 wameongezeka kwa asilimia 21.50 ikilinganishwa na mwaka 2024”, alieleza Prof. Said.
Akizungumzia ufaulu wa wanafunzi wa kujitegemea, Prof. Said alisema kundi hilo lilikwa na watahiniwa 6,127 sawa na asilimia 90.70 ambapo katika mwaka 2024 ufaulu ulikua ni asilimia 93.34.
Akizungumzia matokeo yaliyozuiliwa, Prof. Said alisema Baraza limezuia kutoa matokeo ya watahiniwa 244 wakiwemo 235 wa kidato cha sita, 4 wa mitihani ya ualimu daraja ‘A’ na watano wa stashahada ya ualimu wa sekondari.
KATIBU Mtendaji Baraza la Mitihani la Tanzania (NECTA), Prof. Said Mohammed, akizungumza na wanahabari kutangaza matokeo
Aidha alitaja sababu za kuzuiliwa matokeo hayo ni kushindwa kufanya mitihani Kwa masomo yote au idadi kubwa ya masomo baada ya kupata matatizo ya kiafya, hivyo watahaniniwa hao wamepewa fursa ya kufanya mitihani kwa masomo ambayo hawakufanya kwa mwaka ujao.
Aidha alieleza kuwa Baraza limefuta matokeo ya watahiniwa 71, kati yao 70 ni wanafunzi wa kidato cha sita na mmoja ni mwalimu baada ya kubainika kuwa walifanya udanganyifu kwenye mitihani yao.
Alieleza kuwa takwimu zinaonesha kuwa kwa mwaka 2025 kuna ongezeko la ubora wa ufaulu kwa asilimia 0.22 ambapo jumla ya watahiniwa 125,375 sawa na asilimia 99.62 wamefaulu vizuri kwa madaraja ya 1 - 3 wengi wao wakipata madaraja ya juu.
Akizungumzia ufaulu wa skuli katika makundi ya umahiri, alieleza kuwa kati ya skuli 977 zenye matokeo ya ACSEE mwaka 2025, skuli 725 (sawa na 74.21) zimepata ufaulu wa wastani wa daraja la C ikilinganishwa na madaraja mengine.
“Idadi ya shule zilizopata wastani wa Daraja la A hadi D zimeongezeka kwa asilimia 0.76 kutoka shule 921 (99.14%) mwaka 2024 hadi shule 976 (99.90%) mwaka 2025”, alieleza Prpf. Said na kuongeza kuwa hakuna skuli yenye wastani wa daraja la S au F.
Aliongeza kuwa hali hiyo inaonesha mwelekeo chanya katika matokeo ya jumla kitaifa na kwamba takwimu zinaonesha kuwa, watahiniwa wamefaulu katika masomo yote kwa kiwango cha kati ya asilimia 94.20 hadi 100 isipokuwa kwa somo la Basic Applied Mathematics ambalo ufaulu wake ni asilimia 72.66.
Kwa upande wa masomo ya Historia, Geografia, Kiswahili, Lugha ya Kiingereza, lugha ya kifaransa, Computer Science, Economics, Commerce, Accountancy na Education, zaidi ya asilimia 60 ya watahiniwa wamepata ufaulu wa juu ambao ni gredi A hadi C sawa na alama 60 hadi 100.

Comments

Post a Comment

Popular posts from this blog

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

'Zanzibar Matibabu Card' yashinda tuzo ya WSIS

Image
NA MWANDISHI MAALUM, USWISI WIZARA ya Afya Zanzibar imetunukiwa tuzo ya kimataifa ya ‘ World Summit on the Information Society’ (WSIS) kutokana na mafanikio ya utekelezaji wa mfumo wa matibabu kwa njia ya kadi maalum ya kidijitali ijulikanayo kama ‘ Zanzibar Matibabu Card’ , ambao umewezesha utoaji wa huduma bora za afya kwa wananchi kupitia teknolojia. Hafla ya kukabidhi tuzo hiyo ilifanyika Geneva, Uswisi na kuhudhuriwa na Waziri wa Teknolojia ya Habari na Mawasiliano wa serikali ya Jamhuri ya Muungano wa tanzania, Jerry Slaa, Balozi wa Tanzania Geneva, Abdallah Possi, pamoja na wajumbe kutoka Mamlaka ya Serikali Mtandao Zanzibar (e-GAZ) na Mamlaka ya Mawasiliano Tanzania (TCRA). Akipokea tuzo hiyo kwa niaba ya Serikali ya Mapinduzi Zanzibar, Waziri wa Afya Zanzibar, Nassor Ahmed Mazrui,   alisema mpango huo ni uthibitisho wa dhamira ya taifa kutumia teknolojia kuboresha maisha ya wananchi. Alieleza kuwa mfumo huo umeunganisha vituo vyote vya afya vya umma na taarifa za m...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more