Wafikieni watumishi wa ngazi za juu, viongozi waandamizi – Mhandisi Zena

NA MWANAJUMA SAID, IPA

KATIBU wa Baraza la Mapinduzi na Katibu Mkuu Kiongozi, Mhandisi Zena Ahmed Said, amelitaka Chuo cha Utawala wa Umma Zanzibar (IPA) kuwafikia watumishi wa kada za juu na viongozi waandamizi ili kuongeza ufanisi katika usimamizi na utoaji wa huduma za umma.

Akizungumza wakati wa mahafali ya 18 ya chuo hicho huko Tunguu, alisema kuwa kwa muda mrefu IPA inatoa mafunzo ya muda mfupi yanayolenga zaidi watumishi wa kada za chini na kati, wakati kundi la viongozi wa ngazi za juu likibaki nyuma kupata mafunzo maalum yanayohitajika katika nafasi zao pekee.

“Kuna haja sasa kuelekeza nguvu za kuwafikia watumishi wa kada za juu na viongozi. Ni muhimu viongozi wa ngazi zote wafikiwe kulingana na mahitaji yao ya mafunzo na upatikanaji wao”, alisema Mhandisi Zena.

Alisema kuimarika kwa mafunzo hayo kutachochea maboresho ya mifumo ya uongozi, kuongeza uwajibikaji na kuleta matokeo chanya kwa wananchi katika taasisi za umma.

KATIBU wa Baraza la Mapinduzi na Katibu Mkuu Kiongozi, Mhandisi Zena Ahmeid Said, akimkabidhi Sabia Salum Abdalla, cheti cha mwanafunzi bora wakatika mahafali ya 18 yaliyofanyika ukumbi wa Dk. Ali Mohammed Shein wa Chuo Kikuu cha Taifa Zanzibar (SUZA) Tunguu Unguja.

Aidha, aliwahakikishia wahitimu na watendaji wa chuo kuwa Ofisi ya Katibu Mkuu Kiongozi kwa kushirikiana na Ofisi ya Rais – Katibu Sheria Utumishi na Utawala Bora itatoa ushirikiano wa kutosha kuhakikisha viongozi wanapatikana na kushiriki kikamilifu katika mafunzo yanayopangwa.

Akizungumzia eneo la utafiti na ushauri elekezi, Mhandisi Zena alisema ni lazima chuo kutoa kipaumbele, kwani ndicho chanzo cha maarifa ya kisayansi yanayowezesha Serikali kutambua na kutatua changamoto zinazolikabili taifa sasa na zijazo.

Kwa upande wa wahitimu, aliwakumbusha kuwa elimu wanayopata haina thamani endapo haitatekelezwa kwa vitendo katika maeneo ya kazi kwa kuwa mafunzo waliyoyapata ni msingi muhimu wa ujenzi wa uwezo wa kitaaluma kwa jamii na taifa.


KATIBU wa Baraza la Mapinduzi na Katibu Mkuu Kiongozi, Mhandisi Zena Ahmeid Said, akikabidhi cheti kwa mfanyakazi bora wa IPA 2025, Khamis Mohammed Kheri wakati wa mahafali ya 18 ya chuo hicho ukumbi wa Dk. Ali Mohammed Shein wa Chuo Kikuu cha Taifa Zanzibar (SUZA) Tunguu Unguja.

Akisoma risala, Mkuu wa Chuo cha IPA, Dk. Shaaban Mwinchum Suleiman, alisema chuo kinaendelea kupanua wigo wa huduma kwa kuboresha ubora wa elimu na mafunzo ya uongozi.

Alieleza kuwa chuo kimeanzisha kwa Shahada ya Uzamili ya Sayansi ya Uongozi wa Rasilimali Watu (MSc in HRM), programu ya mwaka mmoja na nusu iliyoandaliwa kukidhi mahitaji ya kuandaa wataalamu na viongozi wenye uwezo wa kusimamia watu, kupanga mifumo ya kiutendaji na kufanya maamuzi ya kimkakati.

“Tunataka wahitimu wetu wawe nguzo ya mabadiliko, wenye uwezo wa kufikiri kimkakati na kuunda mifumo imara ya uongozi,” alisema Dk. Mwinchum.

BAADHI ya Wakufunzi wa Chuo cha Utawala wa Umma (IPA) wakishiriki mahafali ya 18 ya chuo hicho yaliyofanyika katika ukumbi wa Dk. Ali Mohammed Shein wa Chuo Kikuu cha Taifa Zanzibar (SUZA) Tunguu Unguja.

Aidha aliwasisitiza wahitimu kuzingatia maadili, bidii, na kuiona elimu kama safari endelevu inayohitaji kujifunza kila wakati ili kuendana na mabadiliko ya dunia ya sasa.

Nae Makamu Mwenyekiti wa Baraza la Chuo, Mmanga Mjengo Mjawiri, alisema Baraza limeendelea kusisitiza umuhimu wa IPA kuongeza nguvu katika utoaji wa mafunzo mafupi, ambayo ni njia ya haraka ya kuongeza ujuzi wa watumishi na kuchochea ufanisi katika utumishi wa umma.

“Tumekuwa tukihimiza chuo kujikita kwenye mafunzo mafupi kwa kuwa ndiyo njia ya kuongeza ujuzi wa watumishi kwa haraka”, alisema.

SEHEMU ya Wahitimu wa Chuo cha Utawala wa Umma (IPA) wakiwa katika mahafali ya 18 ya chuo hicho ukumbi wa Dk. Ali Mohammed Shein wa Chuo Kikuu cha Taifa Zanzibar (SUZA) Tunguu Unguja.

Nao baadhi ya wahitimu waliahidi kutekeleza nasaha walizopewa na viongozi, wakisema dhamira yao ni kuendelea kujiboresha kielimu na kitaaluma, kwa kuzingatia msemo kuwa elimu haina mwisho.

Katika mahafali hayo, jumla ya wahitimu 786 walitunukiwa vyeti katika ngazi mbali mbali, wakiwemo wanawake 474 na wanaume 312 katika programu za Astashahada, Stashahada na Shahada ya kwanza.


Comments

Post a Comment

Popular posts from this blog

'Zanzibar Matibabu Card' yashinda tuzo ya WSIS

Image
NA MWANDISHI MAALUM, USWISI WIZARA ya Afya Zanzibar imetunukiwa tuzo ya kimataifa ya ‘ World Summit on the Information Society’ (WSIS) kutokana na mafanikio ya utekelezaji wa mfumo wa matibabu kwa njia ya kadi maalum ya kidijitali ijulikanayo kama ‘ Zanzibar Matibabu Card’ , ambao umewezesha utoaji wa huduma bora za afya kwa wananchi kupitia teknolojia. Hafla ya kukabidhi tuzo hiyo ilifanyika Geneva, Uswisi na kuhudhuriwa na Waziri wa Teknolojia ya Habari na Mawasiliano wa serikali ya Jamhuri ya Muungano wa tanzania, Jerry Slaa, Balozi wa Tanzania Geneva, Abdallah Possi, pamoja na wajumbe kutoka Mamlaka ya Serikali Mtandao Zanzibar (e-GAZ) na Mamlaka ya Mawasiliano Tanzania (TCRA). Akipokea tuzo hiyo kwa niaba ya Serikali ya Mapinduzi Zanzibar, Waziri wa Afya Zanzibar, Nassor Ahmed Mazrui,   alisema mpango huo ni uthibitisho wa dhamira ya taifa kutumia teknolojia kuboresha maisha ya wananchi. Alieleza kuwa mfumo huo umeunganisha vituo vyote vya afya vya umma na taarifa za m...
Read more
Image
  ZPC, CPS Ltd zaazimia kuimarisha ushirikiano NA MWANDISHI MAALUM KATIKA kuimarisha mahusiano na ushirikiano kati ya Klabu ya Wandishi wa Habari Zanzibar (ZPC) na wadau wake, viongozi   wa klabu wakiongozwa na Makamu Mwenyekiti,   Tabia Makame Mohammed (Februari   7, 2022)   wametembelea na kufanya mazungumzo na Afisa Mtendaji Mkuu wa kampuni ya CPS Ltd Tobias Dietzold. kampuni ya CPS Ltd inayojenga Mji wa Maendeleo wa Fumba (Fumba Town Development) uliopo Nyamanzi, wilaya ya Magharibi ‘B’, Unguja imekuwa na mahusiano ya karibu ya kikazi na klabu hiyo toka mwaka 2016 ambapo zimekuwa zikishirikiana katika mambo mbali mbali. Katika   mazungunzo yao, pande mbili hizo zimebadilishana mawazo na kukubaliana kuimarisha mahusiano na kushirikiana katika utekelezaji wa malengo na majukumu ya taasisi hizo hususani kutoa elimu kwa jamii juu ya umuhimu wa kuwa na makaazi bora kama ilivyo katika sera na mipango yanserikali. Aidha Tobias aliipongeza ZPC kwa kuend...
Read more

ZAMECO yakumbushia sheria mpya ya habari

Image
NA MWANDISHI MAALUM KAMATI ya Wataalamu y a  Vyombo vya Habari Zanzibar (ZAMECO), ime i shauri serikali kukamilisha mchakato wa upatikanaji wa sheria mpya ya habari ili kuimarisha uhuru wa kujieleza  na uwajibikaji . Akizungumza wa kati  w a kongamano la maadhimisho ya Siku ya Uhuru wa Habari Duniani upande wa Zanzibar, lililofanyika  Rahaleo  Studio , Mjumbe wa ZAMECO, Salim Said Salim, alisema mchakato huo umechukua muda mrefu   hivyo ipo haja ya kuchukuliwa kwa hatua za makusudi kuukamilisha. “Katika miaka  ya hivi karibuni  tu me shuhudia sheria nyingi zikipitishwa na Baraza la Wawakilishi ila sheria ya habari mchakato wake umekuwa ukienda na kurudi kwa zaidi ya miaka 20 hali inayowafanya wadau wa tasnia ya habari ku jion a wanyonge ”, alisema Salim. BAADHI ya waandishi wa habari na wafdau wa habari wakifuatilia uwaasilishaji wa mada wakati wa kongamano  Aliziomba mamlaka zinazohusika kuendelea kushirikiana na taasisi za kihabari kuhakiki...
Read more