Kagere aiongoza Simba ikiiadhibu Chipukizi Mapinduzi Cup

NA MWANDISHI WETU

WAWAKILISHI wa Tanzania katika ligi ya mabingwa Afrika Simba SC imeanza michuano ya kombe la mapinduzi kwa ushindi wa mabao 3 – 1 dhidi ya chipukizi FC

Katika mchezo uliopigwa jana majira ya saa 10:00 jioni kwenye uwanja wa Amaan zanzibar, simba ilikutana na ushindani mkali katika kipindi cha kwanza huku wachezaji nwake wakipoteza nafasi nyingi za kufunga.

Ikichezesha sehemu kubwa ya wachezaji wa kikosi cha pili, Simba ilijikuta ikipachikwa bao katika dakia ya 35 lililofungwa na Faki Mwalimu Sharif na kuongeza hamasa ya wachezaji wa hiyo yenye makao makuu yake kisiwani Pemba.

Mchezo huo uliohudhuriwa pia na Makamu wa kwanza wa Rais Maalim Seif Sharif Hamad aliekuwa mgeni rasmi, Simba ilisawazisha bao hilo katika dakika ya 44 kupitia kwa mshambuliaji Medie Kagere kwa njia ya kichwa na kuongeza kasi ya mchezo huku timu hizo zikishambuliana kwa zamu na kupelekea kumaliza dakika 45 za kwana timu hizo zikiwa 1 – 1.

Katika kipindi cha pili timu hizo ziliendelea kushambuliana kwa zamu hadi katika dakiak ya 51 Miraji Athuman alipoipatia bao timu ya Simba kupitia kwa Medie Kagere kabla ya Miraji Athuman kuongeza bao la tatu katika dakika ya 82 na kuwafanya mashabiki wa simba kupiga kidedea.

Kwa matokeo hayo timu ya Chipukizi imeaga mashindano hayo baada ya awali kupoteza mchezo dhidi ya Mtibwa ambapo leo Jamhuri iliyota sare na Yanga katika mchezo wa awali itashuka dimbani kuwakabili wawakilishi wa Tanzania katika michuano ya kombe la shirikisho la soka afrika Namungo FC majira ya saa 10:00 jioni wakati majira ya usiku Simba SC itashuka dimbani tena kuwakabili mabingwa watetezi Mtibwa.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more