Mohammed Seif Khatib azikwa, Dk. Mwinyi aongoza maelfu ya wananchi

NA RAJAB MKASABA, IKULU ZANZIBAR

RAIS wa Zanzibar na Mwenyekiti wa Baraza la Mapinduzi, Dk. Hussein Ali Mwinyi jana aliwaongoza ndugu, jamaa, marafiki na wananchi katika mazishi ya Dk. Mohamed Seif Khatib yaliyofanyika Umbuji, wilaya ya Kati.

Akisoma wasifu wa marehemu Dk. Mohamed Seif Khatib huko Umbuji, Naibu katibu Mkuu wa Wizara ya Habari, Vijana, Utamaduni na Michezo Khamis Abdalla Said alisema alizaliwa Januari 10 mwaka 1951 huko Umbuji, Mkoa wa Kusini Unguja.

Alisema Dk. Khatib ambaye kifo chake kilichotokea juzi katika Hospitali ya Al-rahma  baada ya kuugua kwa muda mfupi, ameoa na kubahatika kuwa na watoto sita.

Alisema alijiendeleza sana kielimu na  kutunukiwa shahada mbali mbali ikiwemo shahada ya Ualimu ya Chuo cha Ualimu Nkrumah Zanzibar, shahada ya  kwanza ya Elimu, Chuo Kikuu cha Dar es Salaam, shahada ya uzamili katika Sanaa na shahada ya Uzamivu ya Kiswahili, Chuo Kikuu cha Dodoma.

Katika uongozi wa Vijana, Naibu katibu Mkuu huyo alisema kuwa, Marehemu alianza uzoefu wa kazi kama Mwalimu wa Skuli mbali mbali ikiwemo skuli za msingi, sekondari, mkufunzi Taasisi ya Kiswahili na Lugha za Kigeni na Mhadhiri wa muda, Chuo Kikuu cha Dodoma.

Alisema aliongoza wizara mbali mbali kuanzia mwaka 1988 hadi 2010, ambapo aliwahi kuwa waziri wa Mambo ya Ndani, Ofisi ya Makamu wa Rais anaeshughulikia Mambo ya Muungano, Waziri wa Habari, Utamaduni na Michezo na Waziri  , Ofisi ya Waziri Mkuu (Habari na Siasa).

Katika wasifu huo, Naibu huyo alisema marehemu alikuwa mzoefu katika siasa kwani aliwahi kuwa mbunge wa jimbo la Uzini kuanzia mwaka 1988 hadi 2015, Mjumbe wa NEC, CCM kuanzia mwaka 1978 hadi mwaka 2017, Mjumbe wa Baraza Kuu la Taifa CCM (Idara ya Siasa na Uenezi kuanzia mwaka 1995 hadi mwaka 2017.

Sambamba na hayo, kwa maelezo ya Naibu katibu Mkuu huyo, marehemu ameandika vitabu mbali mbali kama vile, Fungate ya Uhuru, Wasaka Tonge, Utenzi wa Ukombozi, Chanjo, Vifaru Weusi na Kipanga ambapo pia, ana miswada ambayo haijachapishwa.

Pia, alisema kuwa Marehemu amesimamia wanafunzi wa Uzamili na Uzamivu katika Chuo Kikuu cha Taifa cha Zanzibar (SUZA) na Chuo Kikuu cha Dodoma na kutunga  nyimbo mbali mbali  za taarabu na  kuandika makala nyingi za kiswahili.

Naibu Katibu Mkuu huyo alieleza kwamba  marehemu alikuwa Mwenyekiti wa Baraza la Kiswahili Zanzibar kuanzia mwaka 2014 hadi kufariki kwake lakini pia, alikuwa mjumbe wa Kamisheni ya Utumishi Serikali.

Katika wasifu huo pia, Naibu Katibu Mkuu huyo alisema kuwa Marehemu alikuwa ni miongoni mwa wanafunzi wa mwanzo waliochukua Uzamivu (PhD ya Kiswahili) hapa nchini.

Hapo jana asubuhi viongozi na wananchi walihudhuria katika sala ya kumuombea marehemu huyo iliyofanyika katika msikiti Noor Muhammad (S.A.W), Mombasa kwa Mchina.

Baadhi ya viongozi waliohudhuria ni pamoja na Makamu wa Pili wa Rais Hemed Suleiman Abdulla, Rais mstaafu Dk. Ali Mohamed Shein, Makamu wa Pili mstaafu Balozi Seif Ali Idd na  viongozi kutoka serikalini na vyama vya siasa.

MAELEZO YA PICHA JUU:

RAIS wa Zanzibar na Mwenyekiti wa Baraza la Mapinduzi, Dk. Hussein Ali Mwinyi akiweka udongo katika kaburi la marehemu Mohammed Seif Khatib, wakati wa mazishi yake yaliyofanyika jana kijijini kwao Umbuji wilaya ya Kati. (PICHA NA IKULU).


Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more