Kuelekea mwezi mtukufu wa Ramadhani: SMZ yatoa bei elekezi bidhaa za vyakula

NA MWANDISHI WETU

WAKATI waislamu wa Zanzibar wakitarajiwa kuungana na wenzao duniani kote kuanza mfungo wa mwezi mtukufu wa Ramadhani, serikali imewaonya wafanyabiashara watakaopandisha bei za vyakula hususani vinavyotumika kwenye mfungo huo.

Akizungumza na waandishi wa habari ofisini kwake Darajani,Waziri wa Biashara na Maendeleo ya Viwanda Zanzibar, Omar Said Shaaban (pichani), alisema watakaopandisha bei hizo watachukuliwa hatua kali za kisheria.

 “Mimi binafsi nitazunguka katika maeneo mbalimbali ya biashara kujiridhisha kama kweli wafanyabishara wanafuata maeekezo ya serikali na ijulikane kwamba zipo adhabu kali kwa watakaokiuka taratibu,” alisema.

Ili kuhakikisha bei hazipandi, Waziri Shaaban alisema wameunda kikosi kazi kinachoshirikisha Tume ya ushindani kufuatilia utekelezaji wa agizo hilo na kuchukua hatua zinazostahili.

Licha ya sheria ya ushindani na kumlinda mlaji namba tano ya mwaka 2018 kutobainisha adhabu anazotakiwa kuchukuliwa anaekwenda kinyume, Waziri huyo alisema faini watakayotozwa inaweza isiwe chini ya shilingi milioni moja.

“Kumekuwepo na tabia ya muda mrefu ya baadhi ya wafanyabiashara wenye tamaa kutumia fursa ya mwezi mtukufu kupandisha bei kiholela hasa kwa bidhaa muhimu kama mchele, sukari na ngano.    Tabia kama hizi kutaka kuchuma faida kupitia mgongo wa wanaofunga hazikubaliki na mara nyingi husababisha wananchi wenye wa maisha duni kutekeleza ibada yao ya funga katika mazingira magumu,” alisema

Kuhusu kupunguza kodi za bidhaa kama ambavyo huwa inafanyika kila mwezi mtukufu, Shaabani alisema safari hii hawajaondoa kodi kwa sababu inaonekana hata serikali inapoondoa kodi hizo wafanyabiashara huwa hawashushi bei.

Katika mkutano huo Waziri huyo alitangaza bei elekezi ya bidhaa za mchele, ngano na sukari.

Alisema mchele wa mapembe utauzwa kwa shilingi 1,600 kwa kilo, sukari shilingi 2,000 kwa kilo na unga wa ngano utauzwa shilingi 1,600 kwa kilo.

“Bei hizi zitabaki hivyo kwenye masoko mpaka hapo zitakapofanyiwa mapitio na kutangazwa vyenginevyo na serikali,” alisema.

Naye mfanyabiashara maarufu visiwani humu Mohamed Raza, alisema wanaopandisha bei za vyakula hawana huruma na wananchi akidai bei

za vyakula na kodi bado hazijapanda.

 “Lazima tuwarahisishie wananchi kujikimu, waweze kula futari sio sisi (wafanyabiashara) kutumia fursa hii kuwakomoa, ushuru bao upo vilevile bei sokoni inakubalika ipo vilevile, tuwasaidie wananchi wapo wanaokula mlo mmoja kwa sababu hawana uwezo,” alisema.

Comments

Post a Comment

Popular posts from this blog

'Zanzibar Matibabu Card' yashinda tuzo ya WSIS

Image
NA MWANDISHI MAALUM, USWISI WIZARA ya Afya Zanzibar imetunukiwa tuzo ya kimataifa ya ‘ World Summit on the Information Society’ (WSIS) kutokana na mafanikio ya utekelezaji wa mfumo wa matibabu kwa njia ya kadi maalum ya kidijitali ijulikanayo kama ‘ Zanzibar Matibabu Card’ , ambao umewezesha utoaji wa huduma bora za afya kwa wananchi kupitia teknolojia. Hafla ya kukabidhi tuzo hiyo ilifanyika Geneva, Uswisi na kuhudhuriwa na Waziri wa Teknolojia ya Habari na Mawasiliano wa serikali ya Jamhuri ya Muungano wa tanzania, Jerry Slaa, Balozi wa Tanzania Geneva, Abdallah Possi, pamoja na wajumbe kutoka Mamlaka ya Serikali Mtandao Zanzibar (e-GAZ) na Mamlaka ya Mawasiliano Tanzania (TCRA). Akipokea tuzo hiyo kwa niaba ya Serikali ya Mapinduzi Zanzibar, Waziri wa Afya Zanzibar, Nassor Ahmed Mazrui,   alisema mpango huo ni uthibitisho wa dhamira ya taifa kutumia teknolojia kuboresha maisha ya wananchi. Alieleza kuwa mfumo huo umeunganisha vituo vyote vya afya vya umma na taarifa za m...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

ZAMECO yakumbushia sheria mpya ya habari

Image
NA MWANDISHI MAALUM KAMATI ya Wataalamu y a  Vyombo vya Habari Zanzibar (ZAMECO), ime i shauri serikali kukamilisha mchakato wa upatikanaji wa sheria mpya ya habari ili kuimarisha uhuru wa kujieleza  na uwajibikaji . Akizungumza wa kati  w a kongamano la maadhimisho ya Siku ya Uhuru wa Habari Duniani upande wa Zanzibar, lililofanyika  Rahaleo  Studio , Mjumbe wa ZAMECO, Salim Said Salim, alisema mchakato huo umechukua muda mrefu   hivyo ipo haja ya kuchukuliwa kwa hatua za makusudi kuukamilisha. “Katika miaka  ya hivi karibuni  tu me shuhudia sheria nyingi zikipitishwa na Baraza la Wawakilishi ila sheria ya habari mchakato wake umekuwa ukienda na kurudi kwa zaidi ya miaka 20 hali inayowafanya wadau wa tasnia ya habari ku jion a wanyonge ”, alisema Salim. BAADHI ya waandishi wa habari na wafdau wa habari wakifuatilia uwaasilishaji wa mada wakati wa kongamano  Aliziomba mamlaka zinazohusika kuendelea kushirikiana na taasisi za kihabari kuhakiki...
Read more