Maafisa Habari Z'bar watakiwa kuongeza kasi ya uwajibikaji

NA MWANDISHI WETU

WAZIRI wa Habari,Vijana, Utamaduni na Michezo, Tabia Maulid Mwita, amewataka Maofisa Habari na Mawasiliano wa wizara na taasisi za serikali kutekeleza majukumu yao vyema na kutoa taarifa za utendaji wa serikali kwa wananchi.

Waziri Tabia alieeleza hayo jana katika ukumbi wa Sheikh Idriss Abdulwakil, Kikwajuni, mjini Unguja wakati wa uzinduzi  wa Jumuiya ya Maafisa Habari na Mawasiliano Zanzibar (ZICCO) na kusema maafisa hao na watu binafsi wana jukumu la kuhakikisha kuwa wananchi  wanapata habari za taasisi zao  kwa wakati na usahihi.

"Kuna miradi mingi ya maendeleo inafanyika katika taasisi zenu lakini wananchi hawaelewi kutokana na taasisi hizo kukaa kimya bila kuijulisha jamii", alisema Waziri Tabia.

Alifafanua kuwa kwa mujibu wa katiba ya Zanzibar ya mwaka 1984, kifungu 18 (1 na 2) kinatoa uhuru kwa kila mtu kuwa na haki ya kupokea na kutoa habari na kinaonesha haki ya raia kupewa taarifa wakati wote kuhusu matukio yanayofanyika nchini na duniani kote ambayo ni muhimu kwa maisha na shughuli za wananchi.

Alifahamisha kwamba kuwepo kwa jumuiya hiyo kutasaidia  kutekeleza malengo ya kuundwa kwake ili jamii ipate taarifa ya maendeleo  yanayotekelezwa na serikali  yao sambamba na kupata fursa ya kuzieleza changamoto zao.

Aidha alitoa wito kwa viongozi wa taasisi za serikali kuwashirikisha ipasavyo Maafisa Habari wa taasisi zao katika  vikao vya kiutendaji kwani kutofanya hivyo kunachangia kuwadumaza na wananchi kutopata taarifa.


Tabia pia alipongeza uamuzi wa kuanzishwa kwa jumuiya  hiyo na kueleza kuwa ni hatua muhimu inayopaswa kuendelezwa ili kuhakikisha jumuiya hiyo inadumu na kutekeleza majukumu yake ipasavyo.

Naye Katibu wa kamati maalum ya halmashauri kuu ya Chama cha Mapinduzi (CCM), Itikadi, Uenezi na Mafunzo, Khamis Mbeto Khamis, alisema serikali ya awamu ya nane imefanya miradi mingi lakini Maafisa Habari hawaitangazi jambo ambalo wananchi wanashindwa kujuwa.

Alisema nchi yoyote inajengwa na Maafisa Habari hivyo kuna haja ya kubadilika kwa kutumia nafasi ya kuyatangaza maendeleo ya nchi.


"Kuna miradi bado haijatangazwa kwa wananchi ili kuitambuwe ikiwemo Vwanja vya mpira,Bandari, barabara, barabara za juu (flyover), na kwengine mwingi lakini hamtangazi kwa jamii wakajuwa", aliesema Mbeto.

Kwa upande wa Katibu wa Jumuiya ya Maafisa wa Habari na Mawasiliano Zanzibar  (ZICOO), Makame Khamis Mohamed, alisema lengo la kuanzishwa kwa jumuiya hiyo ni  kuwaweka pamoja maafisa habari wa Serikali ya Mapinduzi ya Zanzibar na Serikali ya Muungano wa Tanzania  ili  kuimarisha umoja, uwazi na uwajibikaji kupitia Wizara zao,  sambamba na kuongeza umahiri na uweledi katika kazi zao. 


Hata hivyo amefahamisha kuwa kutokana na hali ya Maofisa Habari katika taasisi haiendani na hali ya sasa ambayo inaviza utekelezaji wa majukumu sambamba na kupatiwa mafunzo ya mara kwa mara yatasaidia kuongeza weledi wa kazi zao.

 

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more