Tangazeni kazi zenu kupitia vyombo vya habari - Dk. Mzuri

NA NAFDA HINDI, TAMWA

WANAWAKE nchini wamehimizwa kuvitumia vyombo vya habari ipasavyo kutangaza kazi na shughuli wanazozifanya katika kukabiliana na mabadiliko ya tabianchi.

Akifungua mafunzo ya kuwajengea uwezo wanawake viongozi kupitiaMradi wa Wanawake na Uongozi katika kukabiliana na mabadilio ya tabianchi  (ZanzAdapt),  Mkurugenzi wa chama cha Waandishi wa Habari Wanawake Tanzania (TAMWA ZNZ), Dk. Mzuri Issa Ali, alisema wanawake wanafanya mambo mengi katika jamii ila bado mchango wao haujatambulika kama ilivyo kwa wanaume.

Hivyo alieleza kuwa kwa kutumia vyombo vya habari kutawezesha kutambulika na kujitangaza kwa haraka hasa kupitia mitandao ya kijamii.

Alisema historia ya Tanzania na Zanzibar  haioneshi kwa kiasi kikubwa mchango wa wanawake kwa sababu wanawake wengi bado hawajawa na ujasiri na uthubutu wa kutumia vyombo vya habari kwa usahihi.

“Wanawake wanafanya mambo mengi katika jamii na kujitoa zaidi, sasa wakati umefika kueleza changamoto na mambo yanayowahusu kupitia vyombo vya habari ili kupatiwa ufumbuzi,” Dk. Mzuri.

Naye Mkufunzi katika mafunzo hayo, Sophia Ngalapi, alisema vyombo vya habari vina nafasi kubwa ya kutatua changamoto za kijamii zinazowakabili kwa mamlaka husika kuzitafutia ufumbuzi ikiwa jamii itapaza sauti zao.

‘’Kupitia vyombo vya habari nyinyi ni mashahidi tuanaona hatua zinazochukuliwa kwa wahusika  endapo kutatokezea tatizo”, alieleza Ngalapi.

Akizungumzia usawa wa kijinsia alisema wazazi na walezi wanapaswa kuwalea watoto wao katika muktadha wa kijinsia kuhakikisha kila mtoto anapata fursa na haki sawa kama zilivyoeleza katiba zote mbili ya Jamhuri ya Muungano wa Tanzania na Serikali ya Mapinduzi ya Zanzibar bila kujali jinsia zao.

Naye Afisa Mawasiliano kutoa Jumuiya ya Misitu Pemba (CFP), Munira Iddi Kaoneka, alisema wanawake hawana budi kujiamini na kutumia vyombo vya habari kutangaza kazi wanazofanya ikiwemo mitandao ya kijamii kwani ujumbe wao hufikia watu wengi na kwa wakati mmoja.

“Mukilima na kuvuna mazao yenu halafu mukanyamaza kimya nani atajuwa kama muna bidhaa, ila chukuwa video ukivuna mazao kisha rusha Tiktok weka nambari za simu, soko litakuja na watu watakutafuta”, alieleza Munira.

Nao Wanawake viongozi waliopata mafunzo ya kuwajengea uwezo na kuwainuwa kiuchumi kwa kulima kilimo msitu chini ya mradi wa ZanzAdapt wamesema watayatumia vyema mafunzo hayo kwa kuwa mabalozi bora wa kuwafunza wengine il kukabiliana na mbadiliko ya tabianchi.

Mradi wa Wanawake na Uongozi katika kukabiliana na mabadilio ya tabianchi  (ZanzAdapt) unatekelezwa kwa pamoja na Chama cha Waandishi Wahabari Wanawake Tanzania (TAMWA ZNZ), Jumuiya ya Misitu Pemba (CFP) na Jumuiya ya Misitu Kimataifa (CFI) kwa kushirikiana na Ubalozi wa Canada nchini Tanzania.

 

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more