letter head

TAARIFA MAALUM KWA WANACHAMA WA KLABU YA WAANDISHI WA HABARI ZANZIBAR - ZPC

NDUGU WANACHAMA,

Kwa niaba ya Kamati Tendaji ya Klabu ya Waandishi wa Habari Zanzibar [ZPC] ninawajulisha kuwa Kamati ilikutana Julai 7, 2020 katika ofisi zake Kijangwani na kujadili mambo mbali mbali na kufikia maamuzi yafuatavyo:-

1.   Mkutano Mkuu wa Wanachama wa ZPC ufanyike Agosti 8, 2020 kama ilivyopendekezwa katika vikao vilivyotangulia. Kutokana na uamuzi huo, taarifa rasmi inatolewa kwa Wanachama kama inavyoelekezwa na katiba ya Klabu kifungu cha 16(d) kinachotaka taarifa ya Mkutano Mkuu wa ZPC itolewe mwezi mmoja kabla ya siku ya Mkutano. Agenda za Mkutano huo zitatangazwa baadae pamoja na taratibu za uchaguzi wa viongozi Klabu ambao ni moja ya agenda za Mkutano huo.

2. Kamati Tendaji imeteua Wajumbe wa Kamati ya Uchaguzi itakayoratibu, kusimamia na kuendesha uchaguzi wa viongozi wa Klabu inayoundwa na Wajumbe kutoka asasi za kiraia. Majina ya Wajumbe wa Kamati hiyo yatatangazwa baada ya kukamilika kwa tatatibu za uteuzi wao,

3. Kuandaa kanuni za uchaguzi wa klabu ambazo zitatumika katika Mkutano wa uchaguzi wa viongozi wa ZPC,

4.   Kupokea na kujadili taarifa ya maandalizi ya Mkutano Mkuu na kupendekeza mambo ya kufanyika ili kukamilisha maandalizi na kufanikisha Mkutano kwa kiwango cha juu,

5.   Kupitia na kuidhinisha maombi ya wanachama ambao walikuwa hawajakamilisha taratibu wakati wa kikao kilichopita na kupitia orodha ya Wanachama wa ZPC.

Aidha Kamati inawashukuru Wanachama na wadau mbaki mbali wa Klabu kwa ushirikiano wanaoutoa na kuwataka kuendelea kufanya hivyo hasa katika kipindi hiki cha maandalizi ya Mkutano Mkuu ili kutekeleza kwa ufanisi matakwa ya katiba ya Klabu.

Imetolewa na:-

Mwinyimvua A. Nzukwi,

Kaimu Katibu Mkuu - ZPC,

Kwa niaba ya Kamati Tendaji - ZPC

Julai 8,2020.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more