Maofisa Idara Maalum SMZ wasimamishwa kupisha uchunguzi

NA MWANDISHI WETU

WAZIRI wa Nchi Ofisi ya Rais Tawala za Mikoa na Idara Maalum za SMZ, Masoud Mohammed Ali amewasimamisha kazi baadhi ya maofisa waandamizi katika vikosi vya Serikali ya Mapinduzi ya Zanzibar.

Akizungumza na waandishi wa habari huko ofisini kwake Vuga, waziri huyo alisema msingi wa kuwasimamisha kazi maofisa hao unatokana na ripoti ya Mamlaka ya Kuzuia Rushwa na Uhujumu Uchumi Zanzibar (ZAECA), kuonesha kuwepo kwa ubadhirifu mkubwa wa fedha za umma pamoja na kutowajibika.

WAZIRI Afisi ya Rais, Tawala za Mikoa Idara Maalumu za SMZ, Masoud Ali Mohamed, akionesha ripoti za Ukaguzi wa miradi ya Serikali, uliofanywa na (ZAECA) kwa Vikosi vya KMKM, JKU na ZIMAMOTO, mbele ya waandishi wa habari .

Massoud alisema kwa mamlaka aliyokasimiwa na dhamana ya kisheria amemsimamisha kazi Naibu Kamishna wa Kikosi cha Zimamoto na Uokozi Zanzibar, Gora Haji Gora juu ya kadhia mbali mbali zinazomkabili.

Masoud alisema kadhia hizo zinajumuisha taarifa za uchunguzi kutoka Mamlaka ya Kuzuia Rushwa na Kuhujumu Uchumi Zanzibar (ZAECA) ikiwemo ripoti ya awali ya usimamizi wa ujenzi wa jengo la kituo cha Zimamoto huko Kijichame Pemba.

Aidha Waziri huyo pia amemsimamisha kazi Mkuu wa Utawala wa Jeshi la Kujenga Uchumi (JKU) na kupisha uchunguzi juu ya kadhia ya zoezi lenye ukakasi la upigaji wa picha kwa askari na watumishi wa jeshi hilo.

Alisema kadhia nyengine inatokana na ripoti ya awali ya ujenzi wa mradi wa mahanga ya vijana wa JKU iliyotolewa na ZAECA ambapo katika uchunguzi huo umeonesha upotevu wa fedha na ukiukwaji wa sheria na taratibu za manunuzi katika miradi ya maendeleo.

Aidha waziri Masoud amemuagiza mkuu wa KMKM kuwasimamisha kazi na kupisha uchunguzi zaidi mkuu wa bohari kuu ya Makao Makuu ya Kibweni, msaidizi mkuu wa bohari pamoja na msaidizi II wa bohari hiyo.

Wakati huo huo, ameagiza atakaekaimu nafasi ya Mkuu wa Utawala wa fedha kikosi cha Zimamoto na Uokozi kumsimamisha kazi mkuu wa utumishi wa kikosi hicho  kupisha uchunguzi zaidi juu ya kadhia ya zoezi la ukakasi la upigaji wa picha askari na watumishi raia katika kikosi cha zimamoto kwa tumuma za makato ya fedha za askari kwa sababu zisizo na msingi.

Masoud alimuagiza atakaekaimu nafasi ya Mkuu wa Utawala wa Fedha wa kikosi cha Zimamoto na Uokozi kumsimamisha kazi mhasibu mkuu na kupisha uchunguzi kwa kadhia zinazofanana na Naibu Kamishna.

Aidha alimuagiza Kamishna wa Chuo cha Mafunzo kumsimamisha kazi na kupisha uchunguzi zaidi mhasibu mkuu wa chuo hicho kwa tuhuma za ubadhirifu wa fedha zilizowasilishwa na ripoti ya uchunguzi ya ZAECA.

Alisema ubadhirifu huo unatokana na mradi wa ujenzi wa Chuo cha kurekebisha wanafunzi watoto Hanyegwa Mchana Unguja.

 

Comments

  1. ameirJanuary 20, 2021 at 4:54 AM

    Hizi ndio aina ya kazi tunazozitaka. Ili kupunguza pengo kati ya walionacho na wasionacho!

    ReplyDelete

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more