Bodaboda zaongeza ajali barabarani Z'bar

NA MADINA ISSA

KAMISHNA wa Polisi Zanzibar, (CP) Mohammed Haji Hassan (pichani) amesema ajali za barabarani zinazohusisha pikipiki za biashara (bodaboda) zimeongezeka katika kipindi cha mwezi Januari hadi Mei mwaka huu.

Ameeleza kuwa hali hiyo imesababisha majeruhi na vifo kutokana na waendesha bodaboda wengi kutofuata sheria na kanuni za usalama barabarani.

Akizungumza katika mkutano na waendesha bodaboda wanaofanya kazi katika maeneo mbalimbali ya Unguja huko katika kiwanja cha Kijangwani Mjini Unguja Kamishna huyo alieleza hali hiyo haipaswi kuachwa.

Alisema lengo la mkutano na wafanyabiashara hao ni kujadili namna ya kupunguza ajali za barabarani na kuepusha vitendo vya kihalifu ambapo kwa sasa vimeshika kasi.

Alisema katika kipindi hicho jumla ya ajali 93 zimetokea kati ya hizo ajali 34 zimesababishwa na usafiri wa bodaboda huku vifo vilikuwa 41 ambapa kati ya hivyo vilivyosababishwa na bodaboda ni 25.

Akizungumza idadi ya watu waliofariki, Kamishna Muhammed, alisema kuanzia Januari hadi Mei waliofariki walikuwa 74 kati yao 27 walikufa kutokana na usafiri wa bodaboda ampapo kwa upande wa majeruhi ni 113 ambapo kati yao 35 wamejeruhiwa kutokana usafiri wa bodaboda.

Alifahamisha kuwa mbali na ajali hizo pia waendesha bodaboda wanajihusisha na vitendo vya kihalifu vikiwemo wizi na ujambazi wa kupora mali za wananchi.

Hivyo, aliwataka madereva hao kuacha mara moja tabia hiyo kwani inawatia hofu wananchi kutumia usafiri huo ambapo wananchi wamekuwa wakiripoti katika vituo vya polisi.

Sambamba na hayo, aliwataka wafanyabiashara hao, kujitathmini na kuhakikisha wanafuata sheria na kanuni za usalama wa barabarani ili kulinda usalama wa raia wanaowapakia pamoja na kupunguza ajali za barabarani.

Nao waendesha bodaboda walisema ajali nyingi zinazotokea katika maeneo mbalimbali zinasababishwa na baadhi ya madereva kuendesha vyombo wakiwa wamelewa hali inayopelekea kuhatarisha usalama wa raia.

Sambamba na hayo, alisema kuwa kumekuwepo mtindo wa baadhi ya wenye gari na kuwapelekea gari zao bodaboda kitendo ambacho kinasababisha kutokea ajali zilizokuwa sio za lazima.

 

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more