Mchakato ujenzi kituo cha biashara, mikutano kimataifa waanza

NA MWANDISHI WETU

WIZARA ya Biashara na Maendeleo ya Viwanda imeeleza kuwa kukamilika kwa mradi wa ujenzi wa uwanja wa maonesho ya biashara ya kimataifa na kituo cha mkutano na hoteli, kutaimarisha uchumi wa Zanzibar.

Akizungumza baada ya kushuhudia utiaji saini wa makubaliano ya utekelezaji wa upembuzi yakinifu wa ujenzi wa uwanja wa maoenesho ya biashara na kituo cha mikutano kimtaifa katika ofisi za wizara hiyo Kinazini, Waziri, Omar Said Shaaban wa wizara hiyo alieleza kuwa hatua hiyo inalenga kuirudisha Zanzibar katika hadhi yake kibiashara.

Alieleza kuwa kusainiwa kwa makubaliano hayo kunakwenda kutekeleza ndoto za Zanzibar kuwa na kumbi za mikutano za kimataifa zinazoweza kuchukua idadi kubwa ya watu na vifaa vya kisasa kutekeleza dhana ya uchumi wa buluu.

Alisema kuwa ukumbi huo pamoja na hoteli ya kisasa vitajengwa Mbweni wakati kituo cha maonesho ya biashara kitakachojengwa Nyamanzi, wilaya ya Magharibi ‘B’ Unguja, kinalenga kusisimua biashara na kuirudisha Zanzibar kuwa kitovu cha biashara.

Akizungumza kwa niaba ya kampuni ya Elsewedy, Mkurugenzi Mtendaji wa Kampuni hiyo ukanda wa Afrika Mashariki, Mhandisi Ibrahim Qamar alieleza kufurahishwa na hatua hiyo ambayo ni matokeo utiaji saini wa makubaliano ya ushirikiano yaliyofanywa na kampuni mbali mbali na Rais wa Jamhuri ya Muungano wa Tanzania, Samia Suluhu Hassan, mjini Dubai.

“Wakati wa maonesho ya Dubai mapema mwaka huu, kampuni kadhaa zilitia saini makubaliano na Rais Samia Suluhu Hassan kwa miradi kadhaa, sisi (Elsewedy Electric) tuliamua kuja Zanzibar kuanza uwekezaji kwenye maeneo haya mawili, kama tulivyofanya Tanzania bara,” alieleza Mhandisi Qamar.

Alifafanua kwamba makubaliano hayo yanahusu upembuzi yakinifu, usanifu, uhandisi, ununuzi na kazi za ujenzi kwa miradi yote miwili kazi ambayo itafadhiwa kampuni hiyo na kutekelezwa katika kipindi cha miezi sita kuanzia sasa.

“Tunaamini kazi hii itakamilika ndani ya muda ili tuanze kazi kubwa zaidi ambayo tunaamini kwa mashirikiano tunayoyapata kutoka wizarani tutafanikisha ndoto za serikali na kampuni yetu ambayo imewekeza sehemu mbali mbali Afrika,” alileza Mhandisi Qamar.

Alieleza kuwa wamejipanga kuhakikisha kazi hiyo inafanyika kwa wakati kabla ya kukubaliana namna ya kutekeleza ujenzi wa miradi hiyo inayokadiriwa kutumia zaidi ya dola milioni 100 za marekani.


Waziri Omar Said Shaaban (kushoto), akipokea zawadi kutoka kwa Mkurugenzi Mtendaji wa Kampuni ya Elsewedy ukanda wa Afrika Mashariki, Mhandisi Ibrahim Qamar. 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more