Tabia kuvalia njuga changamoto za waandishi wa habari

 NA MWANDISHI WETU

WAZIRI wa Habari, Vijana, Utamaduni na Michezo Zanzibar, Tabia Mauld Mwita, ameahidi kuvalia njuga changamoto zinazowakabili waandishi wa habari wa vyombo vya binafsi ili wanufaike na kazi wanazozifanya kwenye vyombo hivyo.

Ameeleza hayo Disemba 26, 2022 wakati akifungua mkutano mkuu maalum wa Klabu ya waandishi wa habari Zanzibar (ZPC), uliofanyika katika ukumbi wa Uhuru uliopo katika viwanja vya kufurahishia watoto Kariakoo Zanzibar.

Ameeleza kuwa anatambua changamoto zinazowakabili waandishi na watendaji wa vyombo vya habari hasa vya binafsi hivyo atafanya ziara za kushitukiza ili kujionea na kuona hatua za kuchukua kustawisha hali za wafanyakazi wa vyombo hivyo.

Swala la wafanyakazi wa vyombo binafsi kutokua na mikataba nalifahamu lakini pia nafahamu mambo mengi ndio maana nmepanga kufanya ziara za kushitukiza ili nikajionee mwenyewe na nitachukua hatua kwa kushirikiana na taasisi au wizara nyengine,” amesema Tabia.

Waziri Tabia akifungua mkutano 

Aidha waziri huyo amepongeza kazi kubwa zinazofanywa na vyombo vya habari na kuvitaka kuendelea kufanya hivyo kwa kuzingatia misingi ya taaluma, sheria na maadili huku akiahidi kwamba serikali itaendelea kuweka mazingira ya kisera na kisheria kwa lengo la kuiimarisha kada ya uandishi wa habari.

Akizungumzia mchakato wa upatikanaji wa sheria mpya ya habari, Waziri huyo ameeleza kuwa unaendelea vyema na kwamba mswada wa sherisa hiyo unatariwa kupelekwa katika baraza la wawakilishi katika vikao vya awali ya mwaka ujao wa 2023.

Akimkaribisha Waziri Tabia, Mwenyekiti wa ZPC, Abdallah Mfaume, alimuomba kusimamia na kuzipatia ufumbuzi changamoto zinazowakabili wandishi wa habari wa vyombo vya habari binafsi ili wafanye kazi kwa ufanisi zaidi.

Waziri Tabia (katikati walioketi) akiwa katika picha ya pamoja baadhi ya wanachama na viongozi wa ZPC 
Mfaume amesema waandishi hao wanakabiliwa na changamoto za kutolipwa stahiki zao kwa wakati kunakosababishwa na baadhi yao kutokuwa na mikataba ya ajira jambo linalodhoofisha utendaji wao.

Aidha amezungumzia haja ya kurejeshwa kwa posho la mazingira magumu walilokua wakilipwa waandishi wa habari wanaofanya kazi katika vyombo vya serikali kwani kazi wanazofanya zinalingana na watumishi wengine wanaolipwa posho hilo.

Awali akitoa maelezo ya mkutano huo, Katibu Mkuu wa ZPC, Mwinyimvua Nzukwi, ameeleza mkutano huo ni maalum kwa ajili ya kupitia na kuridhia mipango na maazimio ya mabadiliko ya kiutendaji naliyoanza kutekelezwa na Muungano wa Klabu za Waaandishi wa habari Tanzania (UTPC).

Waziri Tabia (katikati walioketi) katika picha ya pamoja baadhi ya wakufunzi wa ZPC 

Ameeleza kuwa katika utekelezaji wa majukumu yake, zpc na utpc imeamua kuchukua hatua za kuimarisha utendaji chini ya kauli mbiy ya ‘kutoka ubora kwenda ukubwa’ inayolenga kuziimarisha taasisi hizo.

Katika mkutano huo pamoja na kuchangia taarifa zilizowasilishwa walipendekeza na kuthibitisha majina ya wajumbe wa bodi, wajumbe wa kamati ndogo ndogo, kufanya mabadiliko ya katiba na kuridhia kwa kauli moja maazimio yaliyofikiwa katika mkutano mkuu maalum wa utpc uliofanyika jijini Dar es salam Disemba 7, 2022.   

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more