Mama Samia amwaga mamilioni ujenzi kampasi ya TIA Z’bar

NA MWANDISHI WETU

SERIKALI y Jamhuri ya Muungano wa Tanzania inayoongozwa na Dk. Samia Suluhu Hassan, imetoa kiasi cha shilingi bilioni 30 kwa ajili ya ujenzi wa  ya Taasisi ya Uhasibu Tanzania (TIA), kmpasi ya Zanzibar.

MSIMAMIZI wa ujenzi wa mradi wa Chuo cha Uhasibu Tanzania (TIA), kutoka kampuni ya Salem Constructions, Muhandisi Riziki Ringo (katikati) akitoa maelezo kwa Afisa Mtendaji Mkuu wa taasisi hiyo, Profesa Willian Amos Pallangyo, alipotembelea kukagua ujenzi wa mradi huo unaoendelea shehia ya Nganani, Makunduzi Kusini Unguja.

Awamu ya kwanza ya ujenzi huo umeanza toka mwezi Septemba mwaka huu ikiwa ni sehemu ya kuunga mkono dhamira ya serikali zote mbili za Tanzania  kuhakikisha wananchi wa pande zote mbili za muungano wanafaidika na taaluma bora inayotolewa vyuo ya taasisi za elimu zilizopo nchini.

Afisa Mtendaji Mkuu wa taasisi hiyo, Profesa Willian Amos Pallangyo, alieleza hayo baada ya kukagua awamu ya kwanza ya ujenzi wa kampasi hiyo inayojengwa shehia ya Ng'anani Makunduchi, mkoa wa akusini Unguja.

Amesema ili kukamilisha ujenzi huo Serikali ya Jamuhuri ya Muungano imetoa  kiasi hicho cha fedha huku erikali ya Mapinduzi Zanzibar ikitoa eneo lenye ukubwa wa hekta 56 hivyo watahakikisha wanalitendea haki eneo hilo kwa kutumia vyema fedha zilizotolewa na kukamilisha ujenzi huo kwa muda uliopangwa.

Profesa Pallangyo amesema kukamilika kwa ujenzi huo wanategemea kuwa na wanafunzi wasiopungua 1,500 watapata huduma mbali mbali zikiwemo za kumbi za mihadhara, vyumba vya maktaba na komputa na  mabweni ya wanafunzi wa kike na kiume zaidi ya 480.

“Nimeridhika kwa hatua zilizofikiwa katika awamu ya kwanza na niahidi kulitendea haki eneo hili kwa kuhakikisha tunatunza mazingira yake na kulifanyia kazi kama ilivyokusudiwa kwani serikali imetambua sekta ya elimu na kwa sasa imekuwa ikikua zaidi”, alieleza Prof. Pallanyo.

Kwa upande wake, Naibu Mkuu wa chuo hicho, Mipango, Fedha na Utawala, Dk. Issaya Hassanal, alisema ujenzi huo unatarajiwa kukamilika mwaka 2026 na kutoa faida za kiuchumi kwa kupokea wanafunzi kutoka Tanzania bara, Zanzibar na mataifa ya kigeni ambayo wataitumia taasisi kwa ajili ya kupata elimu.

Aidha alisema ujenzi huo pia utawasaidia wananchi wa eneo hilo kupata ajira za muda na za kudumu zikiwemo za ufundi na vibarua wa ujenzi pamoja na mamantilie kupata kuuza biashara zao.

Naye, Msimamizi wa ujenzi wa mradi huo kutoka kampuni ya Salem Constructions, Muhandisi Riziki Ringo, alisema mradi huo wa miaka miwili walikabidhiwa mwezi Septemba, mwaka huu unaendelea vyema na kuahidi kuwa watatekeleza kwa wakati licha ya kuwepo kwa changamoto ndogo ndogo.

Ujenzi huo unatarajiwa kujengwa kwa awamu mbili ambapo awamu ya kwanza unaoendelea hivi sasa unaohusisha mabweni ya wanafunzi na madarasa pamoja na ofisi, utagharimu kiasi cha shilingi bilioni 13.5

Comments

Post a Comment

Popular posts from this blog

Image
  Skuli ya Upendo yapongezwa kutoa mwanafuzi bora kitaifa Yatoa wanafunzi watatu bora kitaifa mitihani STD 4, Veronica Mwendesha ashika nafasi ya kwanza Zanzibar NA MWINYIMVUA NZUKWI VIONGOZI wa jimbo la Bububu, wilaya ya Magharibi ‘A’, Unguja, wameeleza kuwa wataendelea kutoa kipaumbele kwa maendeleo ya jamii ikiwemo elimu ili kupata taifa linalojitegemea kwa wataalamu. Kauli hiyo imetolewa na Diwani wa wadi ya Dole, Juma Wiliam Sungwa, kwa niaba ya Mwakilishi wa jimbo hilo Mudrik Ramadhan Soraga, katika hafla ya kuwapongeza wanafunzi wa skuli ya maandalizi na msingi, Upendo iliyopo shehia ya Kizimbani Unguja, iliyotoa mwanafunzi bora kitaifa katika mitihani ya darasa la nne iliyofanyika mwaka uliopita Zanzibar. Alisema mafaniko ya skuli hiyo kutoa wanafunzi watatu katika nafasi tano za juu kitaifa katika mitihani hiyo ni ya kupongezwa na inapaswa kuungwa mkono na kila mmoja miongoni mwa wananchi wa jimbo hilo. Alifafanua kuwa licha ya kuwa skuli hiyo kumilikiwa na ...
Read more

Balozi Mpanda ahimiza ubunifu uhifadhi wa mazingira

Image
JUVIEKA, wadau wapanda mikoko 2,540 Mtopwani NA MWANDISHI WETU JUMLA ya miche ya miti ya mikoko 2,540 imepandwa katika eneo la Mdodo madema, Shehia ya Mto wa pwani mkoa wa Kaskazini Unguja ili kutunza mazingira ya eneo hilo. Akizungumza na mwandishi wa habari hizi, Mratibu wa zoezi hilo ambaye ni kiongozi wa Jumuiya ya Vijana ya Uhifadhi wa Mazingira, Mbarouk Maalum, alieleza kuwa zoezi hilo lililofanyika jumapili iliyopita lilihudhuriwa na wanaharakati wa mazingira 117 kutoka taasisi na makundi mbali mbali ya jamii. Aliongeza kuwa miongoni mwa washiriki hao ni vikundi vitano vya wanufaika wa mpango wa MKUBA, wanachama na viongozi wa mabaraza ya vijana ya Shehia za Mtowapwani na Chutama,   wawakilishi taasisi za JUVIEKA, UNA, ZAFELA pamoja na Sheha wa Shehia hiyo na wananchi wake. Aidha maalum alieleza kuwa shughuli hiyo pia ilihudhuriwa na Balozi wa mazingira kutoka ofisi ya rais, Muungano na Mazingira ya Jamhuri ya Muungano wa Tanzania, Khadija Yussuph Mpanda ambaye pia ni ...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more