Uwazi matumizi ya bahari nyenzo muhimu kulinda uchumi wa Afrika – Tony Long


NA MWANDISHI WETU

MKURUGENZI Mtendaji wa Global Fishing Watch, Tony Long (pichani) amesema uwazi katika shughuli za baharini ni msingi muhimu wa kulinda rasilimali za bahari, kuimarisha uchumi wa Afrika na kuhakikisha usalama wa chakula kwa mamilioni ya wananchi wanaotegemea sekta ya uvuvi.

Long alisema kwa karne nyingi jamii za pwani ya mashariki mwa Afrika zimeitumia Bahari ya Hindi kama chanzo cha biashara, ajira na maendeleo, huku akieleza kuwa umuhimu wa bahari unaendelea kuongezeka wakati ambapo uchumi wa buluu unatajwa kuwa miongoni mwa nguzo kuu za maendeleo ya bara.

Alisema sekta za uvuvi na ufugaji wa samaki huchangia takribani dola bilioni 24 za Marekani kila mwaka katika uchumi wa Afrika, wakati thamani ya uchumi wa buluu wa bara hilo ikikadiriwa kufikia dola bilioni 300.

Hata hivyo, Long alisema ukuaji huo unakabiliwa na changamoto kubwa kutokana na kukosekana kwa uwazi katika shughuli nyingi za uvuvi wa baharini.

Akinukuu matokeo ya utafiti wa mwaka 2024 uliofanywa na Global Fishing Watch na kuchapishwa katika jarida la Nature, alisema takribani asilimia 75 ya shughuli za uvuvi wa viwandani duniani hazionekani katika mifumo ya wazi ya ufuatiliaji.

Alisema hali hiyo inatoa mwanya kwa uvuvi haramu, usioripotiwa na usiodhibitiwa unaoendelea kupunguza rasilimali za bahari, kudhoofisha wavuvi wanaofuata sheria na kupunguza mapato ya serikali.

“Uwazi unamaanisha kujua nani anamiliki vyombo vya uvuvi, vinafanya kazi wapi, vina vibali gani na kama vinafuata sheria zilizowekwa”, alisema Long.

Alifafanua kuwa matumizi ya mifumo ya kisasa kama Automatic Identification System (AIS) na Vessel Monitoring System (VMS), pamoja na picha za satelaiti na uchambuzi wa data, yanawezesha mamlaka kupata taarifa sahihi za shughuli za baharini na kuchukua hatua dhidi ya wanaokiuka sheria.

Aidha, alisema teknolojia pekee haitoshi bila kuwepo kwa dhamira ya kisiasa, ushirikiano wa kimataifa na sera zinazohimiza uwazi katika usimamizi wa rasilimali za bahari.

Long alisema hatua ya nchi 11 kupitisha Azimio la Mombasa wakati wa Mkutano wa 11 wa Our Ocean Conference ni ishara ya kujitolea kuimarisha uwazi kupitia usajili wa vyombo vya baharini, uchapishaji wa vibali vya uvuvi na kuboresha ushirikiano wa kubadilishana taarifa.

Alisisitiza kuwa kwa nchi za Afrika zikiwemo Tanzania na Zanzibar, uwazi katika shughuli za baharini utasaidia kupambana na uvuvi haramu, kulinda uchumi wa buluu, kuongeza mapato ya serikali na kuhakikisha rasilimali za bahari zinawanufaisha wananchi wa sasa na vizazi vijavyo.

 

Comments

Post a Comment

Popular posts from this blog

'Zanzibar Matibabu Card' yashinda tuzo ya WSIS

Image
NA MWANDISHI MAALUM, USWISI WIZARA ya Afya Zanzibar imetunukiwa tuzo ya kimataifa ya ‘ World Summit on the Information Society’ (WSIS) kutokana na mafanikio ya utekelezaji wa mfumo wa matibabu kwa njia ya kadi maalum ya kidijitali ijulikanayo kama ‘ Zanzibar Matibabu Card’ , ambao umewezesha utoaji wa huduma bora za afya kwa wananchi kupitia teknolojia. Hafla ya kukabidhi tuzo hiyo ilifanyika Geneva, Uswisi na kuhudhuriwa na Waziri wa Teknolojia ya Habari na Mawasiliano wa serikali ya Jamhuri ya Muungano wa tanzania, Jerry Slaa, Balozi wa Tanzania Geneva, Abdallah Possi, pamoja na wajumbe kutoka Mamlaka ya Serikali Mtandao Zanzibar (e-GAZ) na Mamlaka ya Mawasiliano Tanzania (TCRA). Akipokea tuzo hiyo kwa niaba ya Serikali ya Mapinduzi Zanzibar, Waziri wa Afya Zanzibar, Nassor Ahmed Mazrui,   alisema mpango huo ni uthibitisho wa dhamira ya taifa kutumia teknolojia kuboresha maisha ya wananchi. Alieleza kuwa mfumo huo umeunganisha vituo vyote vya afya vya umma na taarifa za m...
Read more
Image
  UZINDUZI WA RIPOTI YA UTAFITI WA VYOMBO VYA HABARI NA URIPOTI WA UCHAGUZI MKUU 2020, DISEMBA 22, 2021 ZANZIBAR KATIBU Mtendaji wa Tume ya Utangazaji Zanzibar, Suleiman Abdallah Salim (kulia), akikata utepe kuzindua ripoti ya utafiti wa vyombo vya habari na uripoti wa uchaguzi mkuu wa 2020, uliofanyika katika ukumbi wa Dk. Ali Mohamed Shein uliomo katika jengo la ZURA, Zanzibar. KATIBU Mtendaji wa Tume ya Utangazaji Zanzibar, Suleiman Abdullah Salim (kulia) na Mwenyekiti wa Kamati ya uzinduzi wa ripoti ya utafiti wa vyombo vya habari na uripoti wa uchaguzi mkuu wa 2020, Dk. Darius Mukiza, wakionesha ripoti hiyo baada ya kuzinduliwa katika ukumbi wa Dk. Ali Mohamed Shein uliomo katika jengo la ZURA, Zanzibar. Mtafiti Kiongozi, Abadallah Katunzi akitoa maelezo juu ya matokeo ya utafiti vyombo vya habari na uripoti wa uchaguzi mkuu wa 2020 uliofanywa na Shule kuu ya uandishi wa habari ya Chuo Kikuu cha Dar es salam (SJMC) wakati wa uzinduzi wa ripoti hiyo kwa wandishi wa habari na vi...
Read more

Vyombo vya habari vinapaswa kusimamia mshikamano wa Afrika - UAJ

Image
NA MWANDISHI MAALUM, CAIRO MSHAURI wa Baraza Kuu la Usimamizi wa Vyombo vya Habari nchini Misri, Reem Hindi, ameeleza haja ya vyombo vya habari barani Afrika kusimamia msingi wa mshikamano wa Kiafrika ili kustawisha maendeleo ya bara na tasnia ya habari kwa ujumla. Alitoa rai hiyo wakati akifungua mafunzo ya 61 yaliyoandaliwa na Umoja wa Waandishi wa Habari wa Afrika (UAJ) kwa kushirikiana na Baraza Kuu la Udhibiti wa Vyombo vya Habari yanayoendelea jijini Cairo, Misri yanayoshirikisha waandishi wa habari kutoka mataifa 20 ya Afrika huku Muungano wa Klabu za Waandishi wa Habari Tanzania (UTPC) ukiwakilishwa na mwanachama wa Klabu ya Waaandishi wa Habari Zanzibar (ZPC), Khairat Haji Ali. Mshauri huyo aliweka wazi dhamira ya nchi hiyo kuunga mkono jitihada za UAJ za kujenga weledi na uhuru wa vyombo vya habari barani Afrika kama miongoni mwa mikakati ya kukuza kasi ya maendeleo na demokrasia. “Kupitia mafunzo, mijadala na kubadilishana uzoefu, vyombo vya habari vitaweza kusaidia nchi za ...
Read more