Hemed azindua programu ya malezi, makuzi ya awali ya mtoto

SERIKALI ya Mapinduzi ya Zanzibar (SMZ) imezindua Programu Jumuishi ya Malezi, Makuzi na Maendeleo ya Awali ya Mtoto pamoja na Kituo cha Kulelea Watoto katika Soko la Mwanakwerekwe, ikiwa ni hatua ya kuimarisha ustawi wa watoto na kuwawezesha wazazi kushiriki kikamilifu katika shughuli za uzalishaji.

Akizindua programu hiyo kwa niaba ya Rais wa Zanzibar na Mwenyekiti wa Baraza la Mapinduzi, Dk. Hussein Ali Mwinyi, Makamu wa Pili wa Rais, Hemed Suleiman Abdulla, alisema Serikali inaamini kuwa uwekezaji katika malezi na makuzi ya awali ya mtoto ni msingi wa kujenga taifa lenye afya, elimu bora na uchumi imara.

Alisema programu hiyo itawaunganisha wazazi na walezi katika kupata huduma muhimu zinazohusu afya, lishe, ulinzi na maendeleo ya watoto tangu wakiwa wadogo.

Hemed alisema Serikali imeendelea kuboresha mazingira ya malezi kwa kuanzisha vituo vya kulelea watoto katika masoko, hospitali na skuli za awali ili kuwawezesha wazazi kutekeleza majukumu yao bila kuwa na hofu kuhusu usalama wa watoto wao.

Alisisitiza kuwa kituo hicho si jengo pekee bali ni uwekezaji kwa kizazi cha sasa na kijacho, hivyo akaitaka jamii na wadau kuhakikisha kinatunzwa ili kiendelee kutoa huduma bora.

Waziri wa Maendeleo ya Jamii, Jinsia, Wazee na Watoto, Anna Atanas Poul, alisema Serikali itapanua huduma za vituo vya kulelea watoto kuanzia ngazi ya shehia hadi mkoa ili kuhakikisha watoto wanapata malezi salama na bora.

Naye Waziri wa Nchi, Ofisi ya Rais Ikulu, Dk. Saada Mkuya Salum, alisema mafanikio ya Dira ya Maendeleo ya Zanzibar yanategemea uwekezaji katika mtoto, huku akisisitiza umuhimu wa ushirikiano wa Serikali, washirika wa maendeleo, taasisi, wazazi na walezi katika utekelezaji wa programu hiyo.



Akizungumza kwa niaba ya washirika wa maendeleo, Meneja wa Benki ya Stanbic Tanzania, Derick Lugemala, alisema taasisi hiyo itaendelea kuunga mkono miradi inayoweka mazingira bora ya malezi ya watoto ili kuwawezesha wazazi kufanya kazi kwa utulivu na kuchangia maendeleo ya taifa.

 

Comments

Post a Comment

Popular posts from this blog

Image
  UZINDUZI WA RIPOTI YA UTAFITI WA VYOMBO VYA HABARI NA URIPOTI WA UCHAGUZI MKUU 2020, DISEMBA 22, 2021 ZANZIBAR KATIBU Mtendaji wa Tume ya Utangazaji Zanzibar, Suleiman Abdallah Salim (kulia), akikata utepe kuzindua ripoti ya utafiti wa vyombo vya habari na uripoti wa uchaguzi mkuu wa 2020, uliofanyika katika ukumbi wa Dk. Ali Mohamed Shein uliomo katika jengo la ZURA, Zanzibar. KATIBU Mtendaji wa Tume ya Utangazaji Zanzibar, Suleiman Abdullah Salim (kulia) na Mwenyekiti wa Kamati ya uzinduzi wa ripoti ya utafiti wa vyombo vya habari na uripoti wa uchaguzi mkuu wa 2020, Dk. Darius Mukiza, wakionesha ripoti hiyo baada ya kuzinduliwa katika ukumbi wa Dk. Ali Mohamed Shein uliomo katika jengo la ZURA, Zanzibar. Mtafiti Kiongozi, Abadallah Katunzi akitoa maelezo juu ya matokeo ya utafiti vyombo vya habari na uripoti wa uchaguzi mkuu wa 2020 uliofanywa na Shule kuu ya uandishi wa habari ya Chuo Kikuu cha Dar es salam (SJMC) wakati wa uzinduzi wa ripoti hiyo kwa wandishi wa habari na vi...
Read more

Vyombo vya habari vinapaswa kusimamia mshikamano wa Afrika - UAJ

Image
NA MWANDISHI MAALUM, CAIRO MSHAURI wa Baraza Kuu la Usimamizi wa Vyombo vya Habari nchini Misri, Reem Hindi, ameeleza haja ya vyombo vya habari barani Afrika kusimamia msingi wa mshikamano wa Kiafrika ili kustawisha maendeleo ya bara na tasnia ya habari kwa ujumla. Alitoa rai hiyo wakati akifungua mafunzo ya 61 yaliyoandaliwa na Umoja wa Waandishi wa Habari wa Afrika (UAJ) kwa kushirikiana na Baraza Kuu la Udhibiti wa Vyombo vya Habari yanayoendelea jijini Cairo, Misri yanayoshirikisha waandishi wa habari kutoka mataifa 20 ya Afrika huku Muungano wa Klabu za Waandishi wa Habari Tanzania (UTPC) ukiwakilishwa na mwanachama wa Klabu ya Waaandishi wa Habari Zanzibar (ZPC), Khairat Haji Ali. Mshauri huyo aliweka wazi dhamira ya nchi hiyo kuunga mkono jitihada za UAJ za kujenga weledi na uhuru wa vyombo vya habari barani Afrika kama miongoni mwa mikakati ya kukuza kasi ya maendeleo na demokrasia. “Kupitia mafunzo, mijadala na kubadilishana uzoefu, vyombo vya habari vitaweza kusaidia nchi za ...
Read more

'Zanzibar Matibabu Card' yashinda tuzo ya WSIS

Image
NA MWANDISHI MAALUM, USWISI WIZARA ya Afya Zanzibar imetunukiwa tuzo ya kimataifa ya ‘ World Summit on the Information Society’ (WSIS) kutokana na mafanikio ya utekelezaji wa mfumo wa matibabu kwa njia ya kadi maalum ya kidijitali ijulikanayo kama ‘ Zanzibar Matibabu Card’ , ambao umewezesha utoaji wa huduma bora za afya kwa wananchi kupitia teknolojia. Hafla ya kukabidhi tuzo hiyo ilifanyika Geneva, Uswisi na kuhudhuriwa na Waziri wa Teknolojia ya Habari na Mawasiliano wa serikali ya Jamhuri ya Muungano wa tanzania, Jerry Slaa, Balozi wa Tanzania Geneva, Abdallah Possi, pamoja na wajumbe kutoka Mamlaka ya Serikali Mtandao Zanzibar (e-GAZ) na Mamlaka ya Mawasiliano Tanzania (TCRA). Akipokea tuzo hiyo kwa niaba ya Serikali ya Mapinduzi Zanzibar, Waziri wa Afya Zanzibar, Nassor Ahmed Mazrui,   alisema mpango huo ni uthibitisho wa dhamira ya taifa kutumia teknolojia kuboresha maisha ya wananchi. Alieleza kuwa mfumo huo umeunganisha vituo vyote vya afya vya umma na taarifa za m...
Read more