Programu kuimarisha elimu Chaani yazinduliwa

Waziri Lela asema itaongeza hamasa ya kujifunza 

NA MWANDISHI WETU

WAZIRI wa Elimu na Mafunzo ya Amali Zanzibar, Lela Mohamed Mussa, amesema programu ya kuimarisha elimu katika jimbo la Chaani itapunguza changamoto zinazowakabili wazazi na walezi katika kugharamia mahitaji ya wanafunzi, hususani gharama za kambi za masomo.

Akizungumza wakati wa uzinduzi wa programu hiyo uliofanyika katika viwanja vya Skuli ya Chaani Masingini, alisema Serikali ya awamu ya nane inaendelea kuitanguliza sekta ya elimu kwa kuimarisha miundombinu, kuongeza vifaa vya kufundishia na kujifunzia pamoja na kuboresha mazingira ya kujifunzia katika ngazi zote.

WAZIRI Lela,  Mbunge na Mwakilishi wa jimbo la Chaani wakikabidhi moja ya makoksi ya karatasi kwa mmoja ya walimu wakuu skuli za jimbo kwa ajili ya mitihani ya kujiandaa na mitihani ya taifa  ya wanafunzi wa skuli zao.

Alisema dhamira hiyo inaonekana kupitia ongezeko la bajeti ya Wizara ya Elimu na Mafunzo ya Amali, ambapo kwa mwaka wa fedha 2026/2027 Serikali imetenga zaidi ya shilingi trilioni 1.1, sawa na ongezeko la asilimia 27.3 ikilinganishwa na bajeti ya mwaka uliopita.

Lela alisema programu hiyo itawanufaisha zaidi ya wanafunzi 600 wa darasa la saba na kidato cha nne kutoka skuli zote za jimbo hilo kupitia kambi maalumu za kujiandaa na mitihani ya kitaifa

Alieleza kuwa utekelezaji wa programu hiyo unaonesha umuhimu wa ushirikiano kati ya Serikali, sekta binafsi, taasisi za kijamii na wananchi katika kuboresha elimu na kuwaandaa wanafunzi kufaulu mitihani na kutimiza ndoto zao.

Alisema vifaa vya kujifunzia vilivyotolewa vitawasaidia wanafunzi kuongeza maarifa, kukuza uwezo wa kujisomea na kujiandaa vizuri kwa maisha yao ya baadaye.

WAZIRI Lela,  Mbunge wa jimbo la Chaani wakikabidhi fedha kwa viongozi wa kamati za maendeleo ya skuli za jimbo kwa ajili ya kambi za wanafunzi wanaojiandaa na mitihani ya taifa na maendeleo ya kitaluma ya skuli zao.

Aidha, alisema Wizara itaendelea kushirikiana na Ofisi ya Mbunge wa jimbo la Chaani, Serikali ya Mkoa, taasisi ya Mimi na Wewe Foundation na wadau wengine wa maendeleo kutatua changamoto zinazoikabili sekta ya elimu, zikiwemo uchakavu wa miundombinu, uhaba wa madarasa, vyoo, walimu, maktaba na huduma za mtandao.

Kwa upande wake, Mbunge wa jimbo hilo ambaye pia ni Naibu Waziri wa Mambo ya Ndani ya Tanzania, Ayoub Mohamed, alisema uongozi wa jimbo umejipanga kuhakikisha wanafunzi wanapata fursa ya kusoma bila vikwazo vinavyotokana na gharama za elimu.

Alisema viongozi wa jimbo watahakikisha chakula kinapatikana katika kambi za masomo kwa wakati, walimu wanapatiwa usafiri na wanafunzi wenye uhitaji wanasaidiwa kupata viatu ili kuwawezesha kuendelea na masomo yao.

WAZIRI Lela,  Mbunge na Mwakilishi wa jimbo la Chaani na viongozi wengine wakikagua baadhi ya viti mwendo kabla ya kukabidhiwa kwa wananfunzi wenye ulemavu.

"Nitahakikisha wananchi wa Jimbo la Chaani wanapata maendeleo bila ubaguzi wa chama au dini, huku tukitoa kipaumbele kwa elimu kama msingi wa maendeleo ya jamii," alisema Ayoub.

Aidha, aliiomba Serikali kuanzisha elimu ya Kidato cha Tano na Sita katika jimbo hilo pamoja na kujenga jengo la ghorofa kwa ajili ya kuongeza nafasi za kujifunzia kutokana na ongezeko la wanafunzi.

Nae Mwakilishi wa Jimbo wa jimbo hilo, Juma Usonge Hamad, alisema programu hiyo itapunguza gharama za uendeshaji wa kambi za masomo, ikiwemo chakula na usafiri wa walimu, hatua itakayochangia kuimarisha ufaulu wa wanafunzi.

Kwa upande wake, Mwenyekiti wa CCM mkoa wa Kaskazini Unguja, Iddi Ame, aliwataka wanafunzi kutumia fursa hiyo kusoma kwa bidii ili waweze kufikia malengo yao na kunufaika na fursa za ajira zinazotokana na elimu.


WAZIRI Lela akipokea zawadi toka kwa wenyeji wake Mbunge na Mwakilishi wa jimbo la Chaani.

Nao baadhi ya wazazi na walezi waliipongeza Serikali pamoja na viongozi hao kwa kuanzisha programu hiyo, wakisema itaondoa mzigo wa gharama za maandalizi ya mitihani na kuongeza ari ya wanafunzi kujifunza.

Katika uzinduzi huo, viongozi wa jimbo walikabidhi tani 25 za mchele, magodoro, vifaa vya kujifunzia, taulo za kike, baiskeli kwa wanafunzi wenye ulemavu pamoja na mafuta kwa ajili ya kuendesha shughuli za kambi za masomo kwa ajili ya skuli 12 za msingi na sekondari za jimbo hilo.

Comments

Post a Comment

Popular posts from this blog

Image
  UZINDUZI WA RIPOTI YA UTAFITI WA VYOMBO VYA HABARI NA URIPOTI WA UCHAGUZI MKUU 2020, DISEMBA 22, 2021 ZANZIBAR KATIBU Mtendaji wa Tume ya Utangazaji Zanzibar, Suleiman Abdallah Salim (kulia), akikata utepe kuzindua ripoti ya utafiti wa vyombo vya habari na uripoti wa uchaguzi mkuu wa 2020, uliofanyika katika ukumbi wa Dk. Ali Mohamed Shein uliomo katika jengo la ZURA, Zanzibar. KATIBU Mtendaji wa Tume ya Utangazaji Zanzibar, Suleiman Abdullah Salim (kulia) na Mwenyekiti wa Kamati ya uzinduzi wa ripoti ya utafiti wa vyombo vya habari na uripoti wa uchaguzi mkuu wa 2020, Dk. Darius Mukiza, wakionesha ripoti hiyo baada ya kuzinduliwa katika ukumbi wa Dk. Ali Mohamed Shein uliomo katika jengo la ZURA, Zanzibar. Mtafiti Kiongozi, Abadallah Katunzi akitoa maelezo juu ya matokeo ya utafiti vyombo vya habari na uripoti wa uchaguzi mkuu wa 2020 uliofanywa na Shule kuu ya uandishi wa habari ya Chuo Kikuu cha Dar es salam (SJMC) wakati wa uzinduzi wa ripoti hiyo kwa wandishi wa habari na vi...
Read more

Vyombo vya habari vinapaswa kusimamia mshikamano wa Afrika - UAJ

Image
NA MWANDISHI MAALUM, CAIRO MSHAURI wa Baraza Kuu la Usimamizi wa Vyombo vya Habari nchini Misri, Reem Hindi, ameeleza haja ya vyombo vya habari barani Afrika kusimamia msingi wa mshikamano wa Kiafrika ili kustawisha maendeleo ya bara na tasnia ya habari kwa ujumla. Alitoa rai hiyo wakati akifungua mafunzo ya 61 yaliyoandaliwa na Umoja wa Waandishi wa Habari wa Afrika (UAJ) kwa kushirikiana na Baraza Kuu la Udhibiti wa Vyombo vya Habari yanayoendelea jijini Cairo, Misri yanayoshirikisha waandishi wa habari kutoka mataifa 20 ya Afrika huku Muungano wa Klabu za Waandishi wa Habari Tanzania (UTPC) ukiwakilishwa na mwanachama wa Klabu ya Waaandishi wa Habari Zanzibar (ZPC), Khairat Haji Ali. Mshauri huyo aliweka wazi dhamira ya nchi hiyo kuunga mkono jitihada za UAJ za kujenga weledi na uhuru wa vyombo vya habari barani Afrika kama miongoni mwa mikakati ya kukuza kasi ya maendeleo na demokrasia. “Kupitia mafunzo, mijadala na kubadilishana uzoefu, vyombo vya habari vitaweza kusaidia nchi za ...
Read more

'Zanzibar Matibabu Card' yashinda tuzo ya WSIS

Image
NA MWANDISHI MAALUM, USWISI WIZARA ya Afya Zanzibar imetunukiwa tuzo ya kimataifa ya ‘ World Summit on the Information Society’ (WSIS) kutokana na mafanikio ya utekelezaji wa mfumo wa matibabu kwa njia ya kadi maalum ya kidijitali ijulikanayo kama ‘ Zanzibar Matibabu Card’ , ambao umewezesha utoaji wa huduma bora za afya kwa wananchi kupitia teknolojia. Hafla ya kukabidhi tuzo hiyo ilifanyika Geneva, Uswisi na kuhudhuriwa na Waziri wa Teknolojia ya Habari na Mawasiliano wa serikali ya Jamhuri ya Muungano wa tanzania, Jerry Slaa, Balozi wa Tanzania Geneva, Abdallah Possi, pamoja na wajumbe kutoka Mamlaka ya Serikali Mtandao Zanzibar (e-GAZ) na Mamlaka ya Mawasiliano Tanzania (TCRA). Akipokea tuzo hiyo kwa niaba ya Serikali ya Mapinduzi Zanzibar, Waziri wa Afya Zanzibar, Nassor Ahmed Mazrui,   alisema mpango huo ni uthibitisho wa dhamira ya taifa kutumia teknolojia kuboresha maisha ya wananchi. Alieleza kuwa mfumo huo umeunganisha vituo vyote vya afya vya umma na taarifa za m...
Read more